近年裁員潮一浪接一浪，最近Threads有網民發帖分享，公司裁員時叫員工揀方案：「一係要封靚Reference Letter；一係攞一個月糧。」樓主話自己interview過唔少經理級別工種，從未有人真正問佢攞過Reference Letter，覺得攞實質補償更實際，引起唔少網民共鳴，直言「拎封信嚟做咩」！
Reference Letter嘅作用仲剩幾多？
所謂Reference Letter，一般由前上司或HR撰寫，簡單介紹前員工的工作表現、性格特質與離職原因，過去被視為求職重要佐證，特別係轉行、或申請高層職位時。
不過有HR坦言：「依家睇CV多過睇信，真係會逐封睇嘅只係政府工、外資大公司、或某啲行業（例如法律、教育）。」反而直接揾前主管做Reference Check更加實際。
邊啲人可以幫你寫 Reference Letter？
雖然唔係每一份工都實際要求推薦信，但如果你有需要，以下幾種人選通常最合適幫你撰寫 Ref Letter，令信件更具說服力。
1. 自己起稿，交比上司簽名：
不少打工仔分享，公司HR或直屬上司忙得不可開交，其實通常都預你自己起一份草稿，等佢哋再改一改或直接簽名。內容可以包括你喺職期間嘅貢獻、工作態度、專業技能等。
2. 搵其他人幫手寫：
l 直屬上司/前上司：最具權威，對你工作表現最了解，可信度最高。
l HR部門：可以從公司層面出信，一般語氣較中性，偏重工作記錄。
l 同事/部門主管：如果你同上司關係一般，可以考慮由合作密切嘅同事幫手寫推薦，特別適用於跨部門合作。
l 實習導師/項目合作夥伴：對於學生、Freelancer或合約工，亦可考慮由實習方撰寫。
3. 無信都唔怕，其他材料都幫到手：
l 前僱主Reference Check：HR會主動聯絡，信任度比一封信更高。
l 項目Portfolio、表現獎狀等：用硬證據展示實力，未必輸比推薦信。
HR：Reference Check更實際
有招聘顧問指，現時企業更傾向透過電話或電郵直接聯絡前公司主管做「Reference Check」，確認候選人係咪真材實料：「封信可以寫到天花龍鳳，但人哋一個電話打去你前老細度問下，真真假假就見光。」
職場顧問提醒，若然公司解僱你，但又要求你自願辭職換取推薦信，其實有權衡空間：「除非你真係有特別用途要封信，例如準備申請外國工作或讀書，否則長遠計可能實際賠償更實用。」
好工推介
職場熱話
- 1
- 2
-
Draft - 職場吹水都睇年齡？同乜人傾計最舒服？
TOP 1 -
六成求職者拒無薪酬資訊職位 調查揭招聘「地雷位」影響應徵意欲
TOP 2 -
韓國78％中小企擬聘外籍員工 搶人才難與簽證限制成主要障礙
TOP 3 -
網絡安全從業員壓力爆表 報告：人工偏低、工作量飆升成常態
TOP 4 -
AI衝擊入門職位 Gen Z就業受壓 轉向創業成新出路
TOP 5
-
土地註冊處招聘二級土地註冊主任 月薪最高$61,865
TOP 6 -
打工仔返新工2個月手震＋失眠 應唔應該「捱落去」？ 8大Burnout警號一次過睇清
TOP 7 -
理財專家警告：人工智能或打亂提早退休夢 建議暫緩計劃 「應先儲多幾年錢」
TOP 8 -
麗晶花園引入外勞保安紓緩人手荒？ 稱三年更換逾200人 「外勞能助穩定人手」
TOP 9 -
44歲作家曾專訪逾600位CEO 揭成為成功人士都有一個共同特質
TOP 10
